Поиск

Книги с поиском

От Матфея От Марка От Луки От Иоанна Деяния Псалтирь 40 книг с поиском



Святоотеческое наследие -
Библiотека твореній святыхъ отцевъ и учителей Церкви и церковныхъ писателей.

[ Главная ] [ Карта сайта ] [ Изслѣдованiя ] [ I-III вѣкъ ] [ IV вѣкъ ] [ V вѣкъ ] [ VI-X вѣкъ ] [ XI-XV вѣкъ ] [ Послѣ XV вѣка ] [ Acta martyrum ] [ E-Mail ]
[ Указатель ] [ Сборники ] [ А ] [ В ] [ Г ] [ Д ] [ Е ] [ З ] [ И ] [ І ] [ К ] [ Л ] [ М ] [ Н ] [ О ] [ П ] [ Р ] [ С ] [ Т ] [ Ф ] [ Х ] [ Ю ] [ Ѳ ] [ Ссылки ] [ Гостевая книга ] Сегодня - вторникъ, 6 марта 2007 г.

Сейчасъ на порталѣ посетителей - 2.

IV ВѢКЪ

Мѣсяца Октовріа въ 11 день.
Слово святаго Афанасія о иконѣ Господа нашего Ісуса Христа.

Афанасій Великій, архиепископъ Александрьскій, повѣдаше: чюдо преславно, достойно памяти, сътворшееся въ градѣ Въуритѣ отъ иконы Христа Бога нашего. Нѣкто хрѣстіанинъ, живяше въ хлѣвинѣ близъ събора жидовьска, имѣяше же /л. 418 б/ икону, на нейже написанъ образъ Христа Бога нашего по человѣческому естеству.

По времени же купи собѣ инъ домъ и отъиде отъ хлѣвины тоя, вземъ свое, остави икону Господню въ хлѣвинѣ. Се же бысть по смотрѣнію Божію, вселижеся въ ту хлѣвину жидовинъ, идѣже бѣ икона Господня, и внесъ своя, живяше ту, но не вѣдяше, яко икона Господня стояше ту. По времени же позва на обѣдъ иного жидовина, друга своего.

Обѣдающема же има, и възрѣ званный жидовинъ, и видѣ икону Господню стоящу, и рече къ звавшему его: како ты, жидовинъ сый, сію икону въ храмѣ своемъ держиши? Живяй же ту жидовинъ нача ротитися и клятися, глаголя: яко и доселѣ нѣсмь ея вѣдѣлъ. Отшедъ же званный жидовинъ, навади къ иерѣемъ, глаголя: яко онъ сый жидовинъ имѣетъ икону Назарянина в дому своемъ.

И исполнишася на нь всѣ гнѣва, но тогда умолъчаша, понеже бѣ уже вечеръ. Наутрия же собра многъ народъ архиерѣй и старци, и пріидоша в домъ, идѣже бѣ икона Господня, и въскочивше въ храмину, обрѣтоша икону стоящу, /л. 418 в/ и изнесше ю, поставиша посредѣ събора своего и рѣша: якоже отци наши поругашася ему, тако и мы сътворимъ иконѣ сей.

И начаша плевати на икону и бити по образу лица Христова сюду и овоуду, и посемъ рекоша: слышали есмы, яко и на древѣ пригвоздиша отци наши, да сътворимъ и мы иконѣ сей такоже. И вземше гвоздия въ образъ руку и ногу его вбиша, и вознесше на трость губу со оцтомъ, приложиша къ образу устъ Господень. Посемъ принесоша копіе и повелѣша нѣкоему ударити его в ребра образа Господня, и яко удари въ икону копіемъ, и абіе потече кровь и вода, и бысть страхъ великъ на всѣхъ жидехъ, видящихъ чюдо преславно, и наполниша сосудъ текущие воды и крови.

Совѣтъ же сътвориша, глаголюще сице: приведемъ слѣпыя и хромыя и бѣсныя, помажемъ сею кровію, да аще видимъ знаменіе, вси вѣруемъ Распятому: страхъ бо ны одержитъ о семъ чюдесѣ. И принесоша единого хрома ногама отъ рождества, ти яко помазаша отъ крове, и абіе въскочи и бысть /л. 418 г/ весь здравъ человѣкъ.

Посемъ приведоша слѣпыя и ти помазани прозрѣша, и бѣснующіяся безъсчислене отъ помазаніа крове очистишася. И увидѣно же бысть по всему граду, и вси течаху къ неизглаголанному тому чюдеси, своя несуще недужныя, разслабленыа, прокаженныя, сухія и плазящая, и всѣ цѣлбу прияша. Тогда весь народъ жидовескъ вѣроваша въ Господа нашего Ісуса Христа, и падъше предъ образомъ иконы Господня, вопияху глаголюще со слезами: слава Тебѣ Христе Сыне Божій, яко таковая твориша чюдеса; слава Тебѣ Христе, егоже отци наши распяша.

Но в тя вѣруемъ, приими ны припадающа ти, Владыко! Вси же жидове града того, мужи и жены и дѣти, къ епископу приидоша, моляще и прияти отъ него крещеніе. Икону же Господню показаша епископу, и вся яже на ней поруганія сътвориша исповѣдаша, и истекшую кровь и воду показаша, и многа отъ нея чюдеса сказаша. Ихже приимъ епископъ и на многы дни поучивъ и вся съ женами и съ дѣтьми крести и, и съборище ихъ сътвори церковь Господа нашего Ісуса Христа. /л.

419 а/ Тогда бысть радость велика въ градѣ томъ не токмо о исцѣлившихъ недужныхъ, но и крестившихъся невѣрныхъ жидѣхъ, иже пріаша святую вѣру чюдесе ради бывшаго отъ иконы Господа нашего Ісуса Христа. Того ради всякъ христіанъ вѣрою и любовію покланяніе творитъ святымъ иконамъ. Тому слава съ Отцемъ и Святымъ Духомъ нынѣ и присно и въ вѣкы вѣкомъ. Аминь.


Святоотеческое наследие -


Уникальный поиск `по-сути` по православной библиотеке